த000035 - படம் பார்த்து எழுதிய கவிதை - உதய்ஸ்ரீ

14/12/13
1.50 pagal 
 கவிதை /உதய்ஸ்ரீ             
                                        படம் பார்த்து எழுதிய கவிதை 

போகும் பாதையின் வழிகளை மறந்தேன்
கொடியவை எல்லாம் உன் முன் குழந்தையாய் சிரிக்க
கல்லும் பாறைகளும் பஞ்சென உன் பாதம் நோகா
செல்லும் பாதைதனைக்காட்ட,எதிர் வரும் கொடிய
விலங்குகளும் விலகியே ஓட,நிலவின் ஒளி வெண்முத்தை
சொரிய, காற்றும் குளிராய் பனிபோல் பூக்க
இரவும் பகலும் ஒன்றெனகலந்து, காதல் மந்திரம்
நம் காதினுள் ஜெபிக்க, நீ தொட்டவை எல்லாம்
உயிர் பெற்றேழுந்து, உன்னை வணங்கி இமையம் செல்ல,
மரங்கள் எல்லாம் குடையென விரிந்து, நிழல் தர எண்ணி
தன் நிலைமறந்தே மயங்கிக்கிடக்க, காதலியை, அள்ளிதழுவும்
காதலன் போல் அதனிலிருந்து உதிரும் தழைகளை காற்றுவந்து அள்ளிக்கொண்டு செல்ல, தன் முகம் விரிக்கும் தளிர்தாமரையும்
நின் பாத சிகப்பினைக்கண்டு முகம்தனை திருப்ப இக்கானகத்தே
உன்னுடன் நான் நடக்கும் நாட்களைமறந்தே உனை நான்
சுமக்க இச்சென்மம் போதுமோ, உன் தளிர் நுனி விரல் நுனிகளை
என் தோளில் சாய்தே, கானல் நீரை கண்ணால் வென்று,
உன்னை நான் அணைத்தே உயிர் பெற்றிடுவேன்.

நன்றி 
உதய்ஸ்ரீ 

த000034- இடையில் நுழைந்தவன் எவன் -கவிதை - உதய்ஸ்ரீ

art by Jaya (A) Udhaisri






6/5/18
1.50 பகல்               
கவிதை - உதய்ஸ்ரீ 
                                         இடையில் நுழைந்தவன் எவன் 

அடுப்படியில் அடுக்கியபடியே தவாவில் வெண்மதியை வார்த்தெடுக்கும் சுருள் முடி சுந்தரி சுணக்கியபடியே சுவைத்தாள் வார்த்தைகளை ,
நெய் வார்த்து அன்பின் தேன்வார்த்து, மொருவலென வார்த்தெடுத்த தோசையை பள பளக்கும் தட்டின் மேல் படரவிட்டு அன்பின் நினைவுகளை வண்ணக்கலவையாய் சட்டென சட்டினியை தோசையுடன் சுவைத்திட தோசையின் அருகில் வைத்து தன் கணவனுக்கு கொண்டு செல்ல  பார்க்கையில் இடுக்கில் நுழைந்தவன் எவனோ ......ஆ ....ஆ .... மா ....மா....எல்லாம் பறக்க அடுக்களை அளக்கலையாய் மாறி போக ,
திடு திடு வென பதறியபடி ஓடி வந்தான் கணவன் .....என்ன என்ன ஆச்சி...
சுந்தரி : அங்க அங்க ஆ ......
கணவன் : என்ன மா என்ன ஆச்சி யாரு
சுந்தரி : கரப்பான் அங்க கரப்பான் பூச்சி ..
கணவன் : அடச்சீ எழுந்தது

நன்றி 
உதய்ஸ்ரீ 

த000033-அவன் வார்த்தை -அவன் வார்த்தை

18/8/14
11.38 பகல் 
கவிதை : உதய்ஸ்ரீ 
                                 அவன் வார்த்தை 

சாலை வீதியை சல்லடையாய் துளைக்கும் மழை துளிகளை
அள்ளி முகர்ந்திட எண்ணி அருகில் சென்றேன், என்னையும் துளைத்து
விட்டது !
மழைதுளியல்ல ...அவன் வார்த்தைகள் ,
கார்காரன் :- அறிவில்ல ஓரமா போகமாட்டா வந்துட்டா நடுரோட்டுல
                        நீசாக ஏ கார்தா கெடச்சிதா போ அந்த பக்கம்..

                             பாரதியின் வேண்டுதல் 

அன்று :
            கத்தியின்றி இரதம்மின்றி யுத்தம் செய்யும் சக்தியை
            தந்தாய் நீ !
            இன்றும் தா மாகாளி !

                                      எங்கே மறைத்தாய் 

 விண்ணில் மறைந்தாயா விடியற்காலையில் மறைந்தாயா,
வீதியில் மறைந்தாய்யா -இல்லை, புழுதியில் மறைந்தாயா,
பூக்களில் மறைந்தாயா -இல்லை, பூலோகம் சென்றாயா,
பாக்களில் மறைந்தாயா - இல்லை, பைங்கிளியோடு பறந்தாயா ,
சேற்றில் மறைந்தாயா -இல்லை , செந்தாமரையில் பூத்தாயா,
மறைந்த இடத்தை மறக்காமல் நீசொன்னால் மறவாமல்
நான் வருவேன் ,மறுக்காமல் எனைத்தருவேன் .

நன்றி 
உதய்ஸ்ரீ 
படித்து விட்டு மூடிவிடாமல் மற்றவருக்கும் அனுப்பிவைக்கவும்